MSL-ക്വിസ് - ഫൈനൽ എപ്പിസോഡ്

എം എസ് എൽ ക്വിസിന്റെ ആദ്യ സീസണിലെ ഫൈനൽ എപ്പിസോഡാണിത്.ക്വിസിനോട് സഹകരിച്ച എല്ലാവർക്കും വളരെയധികം നന്ദി. പല ഉത്തരങ്ങളും ഒരു പക്ഷേ ഇന്റർനെറ്റിലും മറ്റ് ഡേറ്റാബേസുകളിലും ലഭ്യമായിരുന്നുവെങ്കിലും ചോദ്യങ്ങൾ കഴിവതും വ്യത്യസ്ഥമായി അവതരിപ്പിക്കുവാൻ കഴിഞ്ഞു എന്നാണു കരുതുന്നത്. ഗാനത്തിന്റേയും സംഗീതത്തിന്റേയും ശില്പപ്രകൃതി, അവതരണത്തിലെ പ്രത്യേകതകൾ ഇവയൊക്കെയും ചോദ്യങ്ങളിൽ ഉൾക്കൊള്ളിയ്ക്കാൻ ശ്രമിച്ചിട്ടുണ്ട്.
മുൻപ് അറിയിച്ചിട്ടുള്ള പൊതുവായ നിർദ്ദേശങ്ങൾക്ക് പുറമേയുള്ള മാർഗ്ഗനിർദ്ദേശങ്ങൾ താഴെപ്പറയുന്നു.
1.ഇന്ത്യൻ സമയമാണ് മത്സരത്തിന്റെ പൊതുവായ ടൈം സോൺ ആയി കണക്കാക്കുന്നത്.
2. ഉത്തരങ്ങൾ എഴുതാൻ ഒരാഴ്ച സമയമുണ്ട്. സൂചനകൾ തിങ്കളാഴ്ച (22/03/2010‌)രാത്രി 9.30 മണിക്ക് പ്രത്യക്ഷപ്പെടുന്നതായിരിക്കും.ഈ സമയത്തിനു മുൻപേ ലഭിക്കുന്ന ഉത്തരങ്ങൾക്ക് ഫുൾ മാർക്ക് കണക്കാക്കപ്പെടും.
3.ബുധൻ(24/03/2010) രാത്രി 9.30 മണി വരെ ഉത്തരങ്ങൾ രേഖപ്പെടുത്താം.9.30 മണിയോടെ കമന്റ് ക്ലോസ് ചെയ്ത് ഉത്തരങ്ങൾ പബ്ലീഷ് ചെയ്യുന്നതാണ്.
4.സൂചനകൾക്ക് മുമ്പ് ഉത്തരങ്ങൾ മാറ്റിയെഴുതുവാൻ പാടുള്ളതല്ല.അതായത് ഉത്തരങ്ങൾ മാറ്റിയെഴുതുവാൻ ഉള്ള ചാൻസ് സൂചനകൾക്ക് ശേഷം മാത്രം.എന്നാൽ ഒന്നോ രണ്ടോ ഉത്തരങ്ങൾ അപ്പപ്പോൾ കമന്റായി ഇടാവുന്നതാണ്.
5.ഉത്തരങ്ങളുമായി ബന്ധപ്പെടുത്താതെ എന്നാൽ ക്വിസിന്റെ സംശയങ്ങളും കമന്റായിത്തന്നെ അറിയിക്കാം.
ഹിറ്റ്ലറിന്റെ ചോദ്യം കഴിഞ്ഞ പോസ്റ്റിൽ കാണാത്തവർക്കുവേണ്ടി ഇതും കിടക്കട്ടെ..

ചോദ്യങ്ങൾ

1.പ്രശസ്ത സംഗീതസംവിധായകർ മൂന്നു പേരുടെ സംഭാഷണമാണിത്. ആരാണിവർ? (A, B, C + D)

A. (B യോട്) അച്ഛൻ പാട്ടുകാരൻ ആയിരുന്നു അല്ലെ?
B. (A യോട്) അതേ. താങ്കളുടെ അച്ഛൻ തബല വായിച്ചിരുന്നു അല്ലെ?
C.ഞാൻ കച്ചെരി ഒക്കെ നടത്തി വന്നിരുന്ന ഒരു വൈക്കം കാരനാ. നിങ്ങളെക്കാൾ മുൻപേ സിനിമയിൽ എത്തുകയും ചെയ്തു. ആദ്യകാലത്തെ ഈണങ്ങൾ ഹിന്ദിപ്പാട്ട് അനുകരണങ്ങൾ.
B. ഞാനും ചില പാട്ടുകളിൽ ചില ഹിന്ദി ഈണങ്ങൾ എടുത്തിട്ടുണ്ട്. അവയോടുള്ള ആരാധന കൊണ്ട്.
A. എനിക്കിഷ്ടം കർണാടകസംഗീതരാഗങ്ങൾ തന്നെ. മോഹനം രാഗത്തിൽ യേശുദാസും പി സുശീലയും പാടിയ ഒരു ഡ്യൂവറ്റ് ഹിറ്റായിട്ടുണ്ട്.
B. അതിനും കുറച്ചു മുൻപ് തന്നെ അതേ രാഗത്തിൽ അവർ തന്നെ പാടിയ ഒരു ഡ്യൂവറ്റ് എന്റേതായി പുറത്തിറങ്ങിയിട്ടുണ്ടല്ലൊ. ഇപ്പോഴും ഹിറ്റ്.
C. ഖരഹരപ്രിയയിൽ ചെയ്ത ഒരു പാട്ട് ഹിറ്റായതോടെ ആ രാഗത്തിൽ പിന്നെ പലതും ചെയ്തു ഞാൻ.
B. എന്റെ പല നല്ല പാട്ടുകളും പാടിയത് എസ്. ജാനകി തന്നെ.
A. ഒരാളെക്കൊണ്ട് തന്നെ ഉചിതമല്ലാതെ പാട്ടുകൾ പാടിയ്ക്കുന്നെന്ന പഴി ഞാൻ ധാരാളം കേട്ടിട്ടുണ്ട്.
C. ഏറ്റവും കൂടുതൽ ഗായികമാരെ സിനിമയിലേക്ക് കൊണ്ടു വന്നത് ഞാൻ ആണെന്നു തോന്നുന്നു.
A,B,C: എന്നാലും ആ ബ്രഹ്മാനന്ദനെക്കൊണ്ട് ആദ്യം പാടിപ്പിച്ചത് നമ്മളൊന്നുമല്ലല്ലൊ.
B. ആർ.കെ ശേഖർ നമ്മുടെയൊക്കെ പാട്ടുകൾക്ക് ഓർക്കെസ്റ്റ്രേഷൻ ചെയ്തതുകൊണ്ട് അവയൊക്കെ മെച്ചമായെന്നത് സത്യമല്ലെ?
A. അതെ.ജോൺസൺ എന്റെ പാട്ടുകള്ക്ക് വയലിൻ വായിച്ചിട്ടിട്ടുണ്ട്. ഇളയരാജയും എന്റെ വാദ്യവൃന്ദ സംഘത്തിൽ ഉണ്ടായിരുന്നു.
B. ഒരൊറ്റ പാട്ട് കൊണ്ടു മാത്രം ചിരസ്മരണീയനായ ഒരാൾ (D) ഇതാ വരുന്നു . (8 മാർക്ക്)

2.
A. ചില ഗാനങ്ങൾ സിനിമയിലെ കഥാപാത്രം തന്നെ എഴുതിയതായിട്ടാണ് ചിത്രീകരണം. ആലപിക്കുന്നത് ആ കഥാപാത്രങ്ങളോ അവരോട് അടുപ്പമുള്ളവരോ. അങ്ങനെ മൂന്നു ഗാനങ്ങൾ എഴുതുക.
B. വയലാർ എഴുതിയ ഗാനം സ്ക്രീനിലും വയലാർ തന്നെ ആലപിയ്ക്കുന്നു. ഏതു സിനിമ? എതു പാട്ട്?
C. ഗാനരചയിതാവു തന്നെ ഒരു ഗാനവും ആലപിക്കുന്നു ഈ സിനിമയിൽ. ഏതു സിനിമ? എതു ഗാനം?
(6 മാർക്ക്)
3.ചില ഗാനങ്ങളിലെ ഭാവന “അതോ ഇതോ” എന്ന സംശയം പോലെയാണ്. “കരയുന്നോ പുഴ ചിരിയ്ക്കുന്നോ” എന്നപോലെ. ഇങ്ങനെ ചരണങ്ങളിലും സംശയാത്മകമായ മൂന്നു ഗാനങ്ങൾ എഴുതുക.
(6 മാർക്ക്)
4. ചില ഗാനങ്ങളിൽ കഴിഞ്ഞുപോയ സംഭവങ്ങളാണ് വർണ്ണിയ്ക്കുന്നത്.. “ വന്നു, പോയി” എന്ന മട്ടിൽ എല്ലാം ഭൂതകാലത്തിൽ. ചരണങ്ങളും പോയകാലത്തെ ദ്യ്യോതിപ്പിയ്ക്കുന്ന അഞ്ചു ഗാനങ്ങൾ എഴുതുക. (5 മാർക്ക്)
5. കേരളത്തിലെ സ്ഥലനാമങ്ങൾ ഏറ്റവും കൂടുതൽ ഉൾക്കൊള്ളിച്ചിട്ടുള്ള ഒരു പാട്ട്? (4 മാർക്ക്)

6. ഒരു ഗായിക ആദ്യമായി മലയാളത്തിൽ പാടിയത് “ മേരാ ദിൽ യേ പുകാരേ ആജാ” (നാഗിൻ) എന്ന പ്രശസ്ത ഹിന്ദിപ്പാട്ടിന്റെ അതേ ഈണത്തിലുള്ള പാട്ടായിരുന്നു. ആര്? എതു പാട്ട്? (5 മാർക്ക്)
7.
A. ഒരു സംഗീത സംവിധായകൻ അഭിനയിച്ച ചിത്രം?
B. ഒരു ഗായകൻ/സംഗീതസംവിധായകൻ ഒരു പാട്ടുസീനിൽ വരുന്നു ഏതു സിനിമ?
(4 മാർക്ക്)
8. ഈ സംഘഗാനത്തിൽ ഗായികമാരുടെ സംഘവും ഗായകന്മാരുടെ സംഘവും രണ്ടു ഈണത്തിൽ വെവ്വേറേ പാടുന്നു. ഏതു പാട്ട്? (4 മാർക്ക്)
9. ഈ പാട്ടിനു പല്ലവി എന്നു പറയാൻ മാത്രം രണ്ടു വാക്കുകളേ ഉള്ളു.ഒരേ ട്യൂണിലുള്ള മൂന്നു ചരണങ്ങൾ. ചരണങ്ങൾക്കിടയ്ക്ക് ആവർത്തിയ്ക്കുന്നത് ആദ്യം പാടിയ രണ്ടു വാക്കുകളിലെ ഒരു വാക്കു മാത്രം മാറ്റിയിട്ട്. ഏതു പാട്ട്? (5 മാർക്ക്)
10. ഈ പാട്ടിന്റെ ആദ്യത്തെ രണ്ടു വരി മാത്രം ഗായകൻ പാടുന്നു. ചരണങ്ങളെല്ലാം ഗായിക. ചരണങ്ങൾക്കിടയ്ക്ക് ആദ്യവരികൾ ഗായകൻ ആവർത്തിയ്ക്കുമ്പോൾ രണ്ടാം വരി മാത്രം മാറുന്നു. ഏതു പാട്ട്? (5 മാർക്ക്)

11. പാട്ടിലെ വരികളോ വാക്കുകളോ സിനിമയുടെ പേര് ആയി എടുക്കാറുണ്ട്. അഞ്ചെണ്ണം എഴുതുക.
(5 മാർക്ക്)
12. മലയാള സിനിമകളുടെ പേരുകൾ കൂട്ടിച്ചേർത്തുണ്ടാക്കിയ ഒരു സിനിമാഗാനമുണ്ട്. ഏതാണത്?
(4 മാർക്ക്)
13. പി. ഭാസ്കരൻ, വയലാർ, ശ്രീകുമാരൻ തമ്പി ഇവരെല്ലാം ഗാനങ്ങൾ രചിച്ച ഒരു ചിത്രം? (4 മാർക്ക്)

14. “ഒരു നാളുല്ലാസത്തിരുനാളി”ൽ തുടങ്ങി. അവസാനം കേട്ടത് “ഇമയോ തേൻ നവമലർ… “ “പ്രിയതമാഇതു മനസ്സിലുണരും....” ഒരു ഗായികയുടെ പാട്ടുകൾ. ഇവ തമ്മിൽ ബന്ധിപ്പിക്കുക.
(4 മാർക്ക്)
15. ഈയിടെ പേരു മാറ്റി സിനിമയിൽ വന്ന് നായിക/നായക വേഷം ചെയ്തവർ:
1.ബ്രൈറ്റി
2.സിബി വർഗീസ്
3.ദിവ്യ
4. സുനിൽ
ആരാണിവർ?
(4 മാർക്ക്)
16. ഒരു പ്രശസ്ത സംഗീത സംവിധായകനു വേണ്ടി പാടിയത് മറ്റൊരു പ്രശസ്ത സംഗീത സംവിധായകൻ/പാട്ടുകാരൻ. ആരാണ്? (4 മാർക്ക്)

17. രണ്ടു ശാസ്ത്രീയ സംഗീത നിപുണന്മാർ (ബാലമുരളീകൃഷ്ണയും യേശുദാസും അല്ല) ഒന്നിച്ചു പാടിയ പാട്ട്? (5 മാർക്ക്)

18. ഫിലോമിന ഒരു പാട്ടിലെ പലവരികളും ആലപിച്ചിട്ടുണ്ട്. ഏതു പാട്ട്? (4 മാർക്ക്)

19. ഏതൊക്കെ പാട്ടുകൾ?
A.
Download
B.
Download
C.
Download
D.
Download
E.
Download
F.
Download
(6 മാർക്ക്)
20. ഏതൊക്കെ നടിമാർ? ഏതു പാട്ടുകൾ?
A.
Download
B.
Download
(6 മാർക്ക്)
21. പിന്നത്തെ മലയാളസിനിമാചരിത്രത്തിൽ ഇവരുടെ സ്ഥാനമെന്ത്?
A.
Download
B.
Download
(8 മാർക്ക്)
22. ഈ പാട്ടിലെ നൃത്തസംഘത്തിൽ പിന്നീട് നായികയായ ഒരു നടിയുണ്ട്. കണ്ടുപിടിയ്ക്കുക.
(4 മാർക്ക്)
Download

23. ആരൊക്കെയാണിവർ? പൈപ്പ് തിരിയ്ക്കുന്ന ആ കുഞ്ഞ് പിന്നീട് നായികാവേഷങ്ങൾ ചെയ്തു.
(12 മാർക്ക്)

ഹിറ്റ്ലറിനോണോടാണോടാ കളി ???

ഫൈനൽ എപ്പിഡോസ് ഈ വരുന്ന പതിനഞ്ചാം തീയതി ആണെന്ന് ഹിറ്റ്ലറിനോട് പറയരുതും :)

MSL-ക്വിസ് - എപ്പിസോഡ്#9

മലയാളത്തിന്റെ വാനമ്പാടി കെ എസ് ചിത്രയുമായി ബന്ധപ്പെട്ടതാണീ എപ്പിസോഡ്.ഇക്കാലയാളവിൽ അന്തരിച്ച കൊച്ചിൻ ഫനീഫക്കും കഴിഞ്ഞ രണ്ട് പതിറ്റാണ്ടായി മലയാളികൾക്ക് ഒരു പിടി നല്ല ഗാനങ്ങൾ സമ്മാനിച്ച് കടന്നു പോയ ഗിരീഷ് പുത്തഞ്ചേരിക്കും ആദരാഞ്ജലികൾ അർപ്പിച്ചു കൊണ്ട് ഈ എപ്പിസോഡിലേക്ക് കടക്കുകയാണ്.

മുൻപ് അറിയിച്ചിട്ടുള്ള പൊതുവായ നിർദ്ദേശങ്ങൾക്ക് പുറമേയുള്ള മാർഗ്ഗനിർദ്ദേശങ്ങൾ താഴെപ്പറയുന്നു.

1.ഇന്ത്യൻ സമയമാണ് മത്സരത്തിന്റെ പൊതുവായ ടൈം സോൺ ആയി കണക്കാക്കുന്നത്.
2.സൂചനകൾ വെള്ളി (19/02/2010‌)രാത്രി 9.30 മണിക്ക് പ്രത്യക്ഷപ്പെടുന്നതായിരിക്കും.ഈ സമയത്തിനു മുൻപേ ലഭിക്കുന്ന ഉത്തരങ്ങൾക്ക് ഫുൾ മാർക്ക് കണക്കാക്കപ്പെടും.
3.ശനി(20/02/2010) രാത്രി 9.30 മണി വരെ ഉത്തരങ്ങൾ രേഖപ്പെടുത്താം.9.30 മണിയോടെ കമന്റ് ക്ലോസ് ചെയ്ത് ഉത്തരങ്ങൾ പബ്ലീഷ് ചെയ്യുന്നതാണ്.
4.സൂചനകൾക്ക് മുമ്പ് ഉത്തരങ്ങൾ മാറ്റിയെഴുതുവാൻ പാടുള്ളതല്ല.അതായത് ഉത്തരങ്ങൾ മാറ്റിയെഴുതുവാൻ ഉള്ള ചാൻസ് സൂചനകൾക്ക് ശേഷം മാത്രം.എന്നാൽ ഒന്നോ രണ്ടോ ഉത്തരങ്ങൾ അപ്പപ്പോൾ കമന്റായി ഇടാവുന്നതാണ്.
5.ഉത്തരങ്ങളുമായി ബന്ധപ്പെടുത്താതെ എന്നാൽ ക്വിസിന്റെ സംശയങ്ങളും കമന്റായിത്തന്നെ അറിയിക്കാം.

ചോദ്യങ്ങൾ

1.അടുത്തിറങ്ങാൻ പോകുന്ന ഒരു ചിത്രത്തിന്റെ ഗാനരചയിതാവ് നിങ്ങളാണ്. മൂന്നു ഗാനങ്ങൾ എഴുതിക്കഴിഞ്ഞു. നാലാമത്തേത് ഒരു കോമഡി പാട്ടാണ്. സംഗീതസംവിധായകൻ ഒരു ട്യൂൺ ഇട്ടിട്ടുണ്ട്. ഇതാ ഇവിടെ കേൾക്കുക:

ഡൗൺലോഡ്
ഈ ട്യൂണിൽ പാട്ടിന്റെ ആദ്യത്തെ രണ്ടു വരിയെങ്കിലും ഉടൻ എഴുതുക. പൊട്ടിച്ചിരിപ്പിക്കുന്ന പാട്ടായിരിക്കണമെന്ന് പ്രൊഡ്യൂസറുടെ നിർദ്ദേശമുണ്ട്. (5 മാർക്ക്)
2.ചോദ്യങ്ങൾ
A.ചിത്രയുടെ ഈ പാട്ട് സിനിമയിൽ അവതരിക്കപ്പെടുന്നത് ഒരു ആൺകഥാപാത്രത്തെ മുൻ നിറുത്തി ആണ്. ഏതു പാട്ട്?.
B.ചിത്രയുടെ ഈ പാട്ട് സ്ക്രീനിൽ അവതരിപ്പിക്കന്നത് കവിയൂർ പൊന്നമ്മയാണ്. എതു പാട്ട്?
C.ചിത്ര പാടിയ ഈപാട്ട് സിനിമയിലെ രംഗത്തും ചിത്ര പാടുന്നു. ഏത് പാട്ട്?
D.ഒരു സിനിമയിൽ അമ്മ കഥാപാത്രത്തിനും മകൾ കഥാപാത്രത്തിനും ചിത്ര പാടിയിട്ടുണ്ട്.ഏതു സിനിമ?പാട്ട്?
E.ചിത്രയുടെ ഈ പാട്ട് പല താളങ്ങളിൽ ആണ് ചിട്ടപ്പെടുത്തിയിരിക്കുന്നത്.ഏതു പാട്ട്?
സൂചനകൾ.
A. റേഡിയോ പാട്ട്
B. യേശുദാസും ഈ പാട്ട് പാടുന്നുണ്ട്
C.  ഇതൊരു ട്രിക്ക് ചോദ്യമാണേ.
D. എം. ടിയുടെ കഥാപാത്രങ്ങൾ
E. വാര്യർ കുട്ടി പാടി

ഉത്തരങ്ങൾ.

A. ‘“ശിവമല്ലിക്കാവിൽ…” ചിത്രം അനന്തഭദ്രം. പൃഥ്വിരാജാണു സീനിൽ.
B. പവനരച്ചെഴുതുന്നു കോലങ്ങളെന്നും…..
C. ആ രാത്രി മാഞ്ഞു  പോയീ …..നടി ചിത്ര പാടുന്നു സീനിൽ
D. വൈശാലി. ഇന്ദുപുഷ്പം ചൂടി നിൽക്കും രാത്രി, തേടുവതേതൊരു….
E.  പാടീ പുഴയിലേതോ…. (ആറാം തമ്പുരാൻ)

(2 മാർക്ക് വീതം)
3.ചിത്രയുടെ രണ്ടു ഗാനങ്ങൾ. ഒന്നിന്റെ ആദ്യത്തെ വരിയും മറ്റെതിന്റെ, അവസാനത്ത്തെ വരിയും ഇതാണ്:
ചിത്രയുടെ കരിയറിൽ ഇവയുടെ പ്രത്യേകത എന്ത്? (5 മാർക്ക്)
ഗാനം 1.
ഡൗൺലോഡ്
ഗാനം 2.
ഡൗൺലോഡ്
സൂചന:‌-ചിത്രയ്ക്ക് നല്ലപാട്ടുകൾ കിട്ടി
ഉത്തരം:-രവീന്ദ്രനു വേണ്ടി ആദ്യമായും അവസാനമായും പാടി.
4.ഒരു സംഗീതാദ്ധ്യാപികയും അവരുടെ രണ്ട് ശിഷ്യകളും ഈ സിനിമയിൽ പാടിയിട്ടുണ്ട്. ഏതു സിനിമ?
(4 മാർക്ക്)
സൂചന:-അദ്ധ്യാപിക സംഗീതകുടുംബത്തിൽ നിന്നു തന്നെ
ഉത്തരം:- ദേവാസുരം. ഓമനക്കുട്ടി, ചിത്ര, അരുന്ധതി
5.താഴത്തെ ലിസ്റ്റിലെ വരികളിൽ ഒരെണ്ണം ഗിരീഷ് പുത്തഞ്ചേരിയുടേതല്ല. ഏതാണത്? (4 മാർക്ക്)
a. സന്തതം സുമശരൻ സായകം അയയ്ക്കുന്നു
മാരതാപം സഹിയാഞ്ഞു മാനസം കുഴങ്ങീടുന്നു
b.കൊക്കൊ കൊക്കൊ കോഴീ ചുമ്മാ കൊക്കിപ്പാടാതേ
ചിക്കൻ ചില്ലീ ഫ്രൈയായീ വെട്ടിവിഴുങ്ങും ഞാൻ
c.കറുത്ത പെണ്ണേ നിന്നെക്കാണാഞ്ഞിട്ടൊരുനാളുണ്ടേ
വരത്തപ്പെട്ടേൻ ഞാനൊരു വണ്ടായ് ചമഞ്ഞേനെടീ
d.മച്ചകത്തമ്മയെ കാൽതൊട്ടു വന്ദിച്ചു
മകനേ തുടങ്ങു നിൻ യാത്ര
സൂചന:-സ്വൽ‌പ്പം ട്രിക്കുണ്ട് ചോദ്യത്തിൽ. ചില വാക്കുകൾ ശ്രദ്ധിയ്ക്കുക.
ഉത്തരം:- കറുത്തപെണ്ണെ നിന്നെക്കാണാഞ്ഞിട്ടൊരു……
ഇത് ഒരു പഴയ നാടൻ പാട്ടാണ്. 


6.ഒരേ പാട്ടു തന്നെ ആവർത്തിക്കാറുണ്ട് സിനിമയിൽ. കഥാപാത്രവും കഥാഗതിയും മാറുന്നതനുസരിച്ച് പാട്ടിനും മാറ്റം സംഭവിക്കും. താഴെപ്പറയുന്ന ആവർത്തനപ്പാട്ടുകൾ ഏതൊക്കെ?(2 മാർക്ക് വീതം)
a.യേശുദാസും എസ്. ജാനകിയും ആവർത്തിയ്ക്കുന്ന ഏറ്റവും അവസാനമായി വന്ന പാട്ട്
b.യേശുദാസും ജയചന്ദ്രനും ആവർത്തിക്കുന്ന പാട്ട്.
c.എസ്.ജാനകിയും പി സുശീലയും ആവർത്തിയ്ക്കുന്ന പാട്ട്.
d.ഈ പാട്ട് ആവർത്തിയ്ക്കുന്നത് രണ്ടുപേർ വീതമാണ്. രണ്ടും വ്യത്യ്സ്ത രാഗമാലികകൾ. ഏതു പാട്ട്?
സൂചനകൾ.
a. മുകിൽ, മാരി, പക്ഷി
b. പൂക്കളേ
c. കെ. ആർ. വിജയ
d. ചോദ്യങ്ങൾ ശ്രദ്ധിച്ചാൽ ഉത്തരം കാണാം
ഉത്തരങ്ങൾ
a.കണ്ണേ കണ്മണി മുത്തേ….മഴമേഘപ്രാവുകൾ 
b.സൌഗന്ധികങ്ങളേ വിടരൂ 
c. മുറ്റത്തെ മുല്ലയിൽ -ഓടയിൽ നിന്ന് 
d.സന്തതം സുമശരൻ- ആറാം തമ്പുരാൻ. യേശുദാസ് ശരത്ത് എന്നിവർ ഒരെണ്ണം, സുജാത, മഞ്ജു   മറ്റൊന്ന്. രണ്ടും വ്യത്യസ്ത രാഗമാലികകൾ.
7.കൊച്ചിൻ ഹനീഫ പാടി അഭിനയിക്കുന്ന പാട്ട്? (4 മാർക്ക്)
സൂചന:-അദ്ദേഹത്തിന്റെ സ്വന്തം സിനിമ
ഉത്തരം:-ഇന്നീ കൊച്ചു വരമ്പിൻ മേലെ- ചിത്രം വാത്സല്യം
8.സംഗീതസംവിധാനം നൽകുന്നവർ അവരുടെ പാട്ടുകൾ പാടാറുമുണ്ട്. താഴെപ്പറയുന്നവർ എതൊക്കെ സ്വന്തം പാട്ടുകൾ പാടി? (ചിലർ തന്നെയും ചിലർ മറ്റു പാട്ടുകാരോടൊപ്പവും) (6 മാർക്ക്)
a.ബിജിബാൽ
b.മോഹൻ സിതാര
c.ദക്ഷിണാമൂർത്തി
d.ദേവരാജൻ
e.രവീന്ദ്രൻ
സൂചനകൾ.
f.ഇളയരാജാ(മലയാളം)
a. സിനിമയുടെ സംഗീതം ചെയ്തത് മറ്റൊരാൾ
b.പല പാട്ടുകളുമുണ്ട്
c. ആയുർവ്വേദം
d.കുമാരനാശാൻ
e. കൈതപ്രം സീനിൽ
f. സത്യൻ അന്തിക്കാടിന്റെ സിനിമയല്ല
ഉത്തരങ്ങൾ:-
a.ബിജിബാൽ- പാലേറും നാടായ –പാലേരി മാണിക്യം 
b.മോഹൻ സിതാര-മാനത്ത് ചന്ദ്രൻ (ആകാശം), പ്രണയകഥ (ദീപസ്തംഭം മഹാശ്ചര്യം) 
c.ദക്ഷിണാമൂർത്തി- നാഗരാദി എണ്ണയുണ്ട്, തങ്കമകുടം ചൂടി നിൽക്കും 
d.ദേവരാജൻ-അനുപമകൃപാനിധി (കരുണ), ജന്മാന്തരങ്ങളിൽ (ചതുരംഗം) തുഞ്ചൻ പറമ്പിലെ തത്തേ  
e.രവീന്ദ്രൻ- എൻ ജീവനേ (കാക്കയ്ക്കും പൂച്ചയ്ക്കും കല്യാ‍ണം) പാണൻ തുടികൊട്ടി (ചക്കരക്കുടം), ചക്രവർത്തി (എങ്ങനെയുണ്ടാശാനേ) ദേവസഭാതലം
f.ഇളയരാജാ –അരുവികൾ (പാറ), പണ്ടത്തെ നാട്ടിൻ പുറം (പൊന്മുടിപ്പുഴയോരത്ത്)
9.ചിത്രയുടെ പാട്ടുകളാണിവ.താഴെയുള്ള ഓഡിയോ സൂചനകൾ കേട്ട് അവ ഏതൊക്കെയാണെന്ന് കണ്ടെത്തുക. (1 മാർക്ക് വീതം)
a.ഡൗൺലോഡ്
b.ഡൗൺലോഡ്
c.ഡൗൺലോഡ്
d.ഡൗൺലോഡ്
e.ഡൗൺലോഡ്
f.ഡൗൺലോഡ്
g.ഡൗൺലോഡ്
h.ഡൗൺലോഡ്
i.ഡൗൺലോഡ്
j.ഡൗൺലോഡ്

സൂചനകൾ

a.ബോംബെക്കാരി മലയാളി ഈ ഗാനരംഗത്ത്.
b.മാംഗല്ല്യം കൊതിക്കുന്ന സുന്ദരി
c.ഭരതൻ ടച്ച്
d.മാധവിയും പിള്ളേരും.
e.പദ്മരാജൻ ചിത്രം
f.ശരിക്കുമുള്ള ഭരതൻ ടച്ച്
g.ഫാസിൽ -എംബിശ്രീനിവാസൻ-ഓ.എൻ‌വി
h.പാർവ്വതി മോഹൻലാൽ സിബിമലയിൽച്ചിത്രം
i.രംഗത്തെ നായികക്ക് ഗായികക്കുള്ള സംസ്ഥാന അവാർഡ്.
j.ഒരു സലിൽ ചൗധരിഗാനം
ഉത്തരങ്ങൾ.
a.ആദ്യവസന്തമേ - വിഷ്ണുലോകം-ശാന്തികൃഷ്ണ രംഗത്ത്
b.പുടമുറിക്കല്യാണം - ചിലമ്പ് - ശോഭന
c.താരം വാൽക്കണ്ണാടി- കേളീ- ഭരതൻ സംഗീതം
d.കാട്ടിലെ മൈനയെ- ആകാശദൂത് - മാധവി
e.കണ്ണിൽ നിൻ മെയ്യിൽ - ഇന്നലെ - പദ്മരാജൻ
f.ഇന്ദുപുഷ്പം ചൂടി നിൽക്കും - വൈശാലി-ഭരതൻ
g.അമ്പിളി ചൂടുന്ന തമ്പുരാനെ- മണിവത്തൂരിലെ ആയിരം ശിവരാത്രികൾ
h.സായന്തനം ചന്ദ്രികാ- കമലദളം
i.മൗനസരോവരമാകെ - സവിധം- മാതു ഗായിക
j.ഓളങ്ങളെ ഓടങ്ങളേ- തുമ്പോളികടപ്പുറം
10.ബോണസ്
Aയിൽ കൊടുത്തിരിയ്ക്കുന്ന ലിസ്റ്റിലെ ആൾക്കാരുടെ ബന്ധുക്കളുടേയും അവരുമായി ബന്ധപെട്ട പാട്ടുകളുടേയും വിവരങ്ങൾ അതിനു താഴെ ചേർത്തിരിയ്ക്കുന്നു. ലിസ്റ്റ് A ഇലെ വ്യക്തികളുടെ ബന്ധുക്കളെ B യിലും ബന്ധപ്പെട്ട പാട്ട് C യിലും എടുത്തെഴുതുക. (2 മാർക്ക് വീതം)
A                                    B                                         C
കൃഷ്ണൻ നായർ
യുവശങ്കർ
ചിദംബരനാഥ്
ബിച്ചു തിരുമല
സെബാസ്റ്റ്യൻ കുഞ്ഞ് കുഞ്ഞ്
ഔസേപ്പച്ചൻ
കൈതപ്രം
പപ്പുക്കുട്ടി ഭാഗവതർ
ശാന്താദേവി
ഈശ്വരി
അനുരാധ ശ്രീറാം
ശൈലജ

B and C:
കളിക്കളം ഇതു കളിക്കളം. പി. സുശീലാദേവി. ഒരു ചിരി കണ്ടാൽ. രേണുക. ഒരു കുടുക്ക പൊന്നു തരാം. ഫ്രാങ്കൊ. ഇന്ദുലേഖ കൺ തുറന്നു. അബ്ദുൾ ഖാദർ. ബാലസുബ്രഹ്മണ്യം. ആനത്തലയോളം. ജയകുമാർ. ഞാറ്റുവേലയ്ക്കു ഞാൻ നട്ട പിച്ചകം. വിശ്വനാഥൻ. സ്വപ്നങ്ങളേ വീണുറങ്ങൂ. ഡാനിയൽ രാജയ്യ. നന്ദകിശോരാ ഹരേ. സെൽമ. എങ്ങിനെ നീ മറക്കും. അഞ്ജലി. സുന്ദരിയേ വാ. ദർശൻ രാമൻ. നീലക്കുട ചൂടി മാനം. രാജാമണി. കണികാണുന്നേരം. പുഷ്പ. എന്നുവരും നീ.
ഉത്തരം

A                                                            B                            C

കൃഷ്ണൻ നായർ -ജയകുമാർ-ഇന്ദുലേഖ കൺ തുറന്നു

യുവശങ്കർ- ഡാനിയൽ രാജയ്യ-ഒരു ചിരികണ്ടാൽ

ചിദംബരനാഥ്-രാജാമണി-നന്ദകിശോരാ ഹരേ

ബിച്ചു തിരുമല-ദർശൻ രാമൻ-സ്വപ്നങ്ങളേ വീണുറങ്ങൂ

പി. സുശീലാദേവി-ഞാറ്റുവേലയ്ക്കു ഞാൻ നട്ട പിച്ചകം

സെബാസ്റ്റ്യൻ കുഞ്ഞ് കുഞ്ഞ്-പുഷ്പ-ആനത്തലയോളം

ഔസേപ്പച്ചൻ-ഫ്രാങ്കോ-സുന്ദരിയേ വാ

കൈതപ്രം-വിശ്വനാഥൻ-എന്നു വരും നീ

പപ്പുക്കുട്ടി ഭാഗവതർ-സെൽമ-നീലക്കുട ചൂടീ മാനം

ശാന്താദേവി-അബ്ദുൾ ഖാദർ-എങ്ങനെ നീ മറക്കും

ഈശ്വരി-അഞ്ജലി-ഒരു കുടുക്ക പൊന്നു തരാം

അനുരാധ  ശ്രീറാം-രേണുക-കണികാണും നേരം

ശൈലജ-ബാലസുബ്രഹ്മണ്യം- കളിക്കളം ഇതു കളിക്കളം

11.സൂപ്പർ ബോണസ്:
എസ്. ജാനകിയുടെ രണ്ടു പാട്ടുകൾ- വളർന്നു വളർന്നു വളർന്നു നീയൊരു വസന്തമാകണം പഠിച്ചു പഠിച്ചു പഠിച്ചു നീയൊരു.....,
ആഴക്കടലിന്റെ അങ്ങേക്കരയിലായ്....…ഇവ രണ്ടിന്റേയും അവതരണത്തിൽ പൊതുവായിട്ട് എന്താണുള്ളത്? (5 മാർക്ക്)
ഉത്തരം:-രണ്ടും സുകുമാരി പാടുന്നു, കുഞ്ഞിനെ താലോലിച്ചു കൊണ്ട്. ഒന്നിൽ സ്വന്തം കുഞ്ഞ് മറ്റേതിൽ പേരക്കിടാവ് എന്നു മാത്രം വ്യത്യാസം. 43 കൊല്ലത്തിനു ശേഷം എസ്. ജാനകിയും സുകുമാരിയും ഒന്നിച്ചു.

MSL-ക്വിസ് - എപ്പിസോഡ്#8

അറുനൂറിലേറെ ചിത്രങ്ങളിൽ നായകനായി അഭിനയിച്ച് ഗിന്നസ് ബുക്കിൽ കയറിപ്പറ്റിയ ആ മഹാനടന് സമർപ്പിച്ചു കൊണ്ട് ക്വിസിന്റെ 8ആം എപ്പിസോഡ് ഇവിടെ ആരംഭിക്കുന്നു.എല്ലാവർക്കും വിജയം ആശംസിക്കുന്നതിനോടൊപ്പം റിപ്പബ്ലിക് ദിനത്തിന്റെ സന്തോഷവും പങ്കുവയ്ക്കുന്നു.

മുൻപ് അറിയിച്ചിട്ടുള്ള പൊതുവായ നിർദ്ദേശങ്ങൾക്ക് പുറമേയുള്ള മാർഗ്ഗനിർദ്ദേശങ്ങൾ താഴെപ്പറയുന്നു.
1.ഇന്ത്യൻ സമയമാണ് മത്സരത്തിന്റെ പൊതുവായ ടൈം സോൺ ആയി കണക്കാക്കുന്നത്.
2.സൂചനകൾ വെള്ളി (29/01/2010‌) രാത്രി 9.30 മണിക്ക് പ്രത്യക്ഷപ്പെടുന്നതായിരിക്കും.ഈ സമയത്തിനു മുൻപേ ലഭിക്കുന്ന ഉത്തരങ്ങൾക്ക് ഫുൾ മാർക്ക് കണക്കാക്കപ്പെടും.
3.ശനി(30/01/2010) രാത്രി 9.30 മണി വരെ ഉത്തരങ്ങൾ രേഖപ്പെടുത്താം.9.30 മണിയോടെ കമന്റ് ക്ലോസ് ചെയ്ത് ഉത്തരങ്ങൾ പബ്ലീഷ് ചെയ്യുന്നതാണ്.
4.സൂചനകൾക്ക് മുമ്പ് ഉത്തരങ്ങൾ മാറ്റിയെഴുതുവാൻ പാടുള്ളതല്ല.അതായത് ഉത്തരങ്ങൾ മാറ്റിയെഴുതുവാൻ ഉള്ള ചാൻസ് സൂചനകൾക്ക് ശേഷം മാത്രം.എന്നാൽ ഒന്നോ രണ്ടോ ഉത്തരങ്ങൾ അപ്പപ്പോൾ കമന്റായി ഇടാവുന്നതാണ്.
5.ഉത്തരങ്ങളുമായി ബന്ധപ്പെടുത്താതെ എന്നാൽ ക്വിസിന്റെ സംശയങ്ങളും കമന്റായിത്തന്നെ അറിയിക്കാം.
6.ഇത്തവണത്തെ സമ്മാനം 3,7,17 എന്നീ ശരിയുത്തരമെഴുതുന്നവർക്കാണ്.ശരിയാക്കേണ്ട ചോദ്യങ്ങൾ 1,4,10.ഈ ചോദ്യങ്ങളുടെ ഉത്തരം മൂന്നാമതും,ഏഴാമതും, പതിനേഴാമതുമായി ശരിയായി അയക്കുന്നവർക്ക് സമ്മാനം ഓരോ പുസ്തകങ്ങൾ.പുസ്തകങ്ങളുടെ ലിസ്റ്റ് സൈഡ് ബാറിലുണ്ട്.സമ്മാനാർഹർക്ക് ഒരു പുസ്തകം തിരഞ്ഞെടുക്കാം.

ചോദ്യങ്ങൾ

1.ഒരു ക്വിസ് മത്സരാർത്ഥി ഒരു ദുർബ്ബലനിമിഷത്തിൽ(പ്രത്യേകിച്ചും ക്വിസ് 7ന്റെ സ്കോർ ബോർഡ് കാണാതെ സ്വയം മാർക്ക് കൂട്ടി പ്രാന്തായപ്പോൾ)പൊട്ടിച്ചതാണ് മുകളിൽ കാണിച്ചിരിക്കുന്ന കീബോർഡ്.രണ്ടായി പിളർന്നു പോയിരിക്കുന്നു അത്.സ്വസ്ഥത കൈവന്നപ്പോൾ മനസ്സിലായത് പൊട്ടിയെങ്കിലും ഓരോ ഭാഗവും പ്രത്യേകം ഉപയോഗിക്കാമെന്നാണ്.ഇടതു ഭാഗത്തേയും വലതുഭാഗത്തേയും അക്ഷരങ്ങൾ മാത്രം ഉപയോഗിച്ച് നാലു സിനിമാഗാനങ്ങൾ വീതം എഴുതുക. നാലക്ഷരമെങ്കിലും ഉള്ളവ. ഒരുത്തരത്തിനു ഒരു മാർക്കു വീതം,ആകെ 8 മാർക്ക്. ഒരു ഭാഗത്തു നാലിൽ കൂടുതൽ എഴുതുകയാണെങ്കിൽ അവയ്ക്ക് ഓരോന്നിനും രണ്ടു മാർക്കു വീതം.
സൂചനയില്ല:-  സൂചനകൾ ആവശ്യത്തിനു തന്നു കഴിഞ്ഞു. ഈ ചോദ്യത്തിനു ക്ലൂവിനു ശേഷം മാർക്കു കുറയ്ക്കുന്നതല്ല.

ഉത്തരങ്ങൾ (നാലെണ്ണം മാത്രം )

വലതുഭാഗം

1. ദേവീ ശ്രീദേവീ

2. വരവായീ

3.സ്വർഗ്ഗസാഗര

4. അരയരയരയ്(ഓ)

ഇടതുഭാഗം

1.കുളിക്കുമ്പോൾ

2. കൊമ്പിൽ കിലുക്കും

3.കിലുകിലും

4.മിന്നും പൊന്നിൻ

2.പ്രേംനസീറിനു വേണ്ടി പാടിയ അഞ്ചു ഗായകർ ആരൊക്കെ? (യേശുദാസ്, ജയചന്ദ്രൻ , എ എം.രാജ, കമുകറ പുരുഷോത്തമൻ എന്നിവർ അല്ലാതെ). ഇതിലൊരാൾ ബെംഗാളിയാണ്. എതൊക്കെ പാട്ടുകൾ? (5 മാർക്ക്)
സൂചന:-മറ്റു ഗായകർ ഇവർ ആരെങ്കിലുമൊക്കെ ആയിരിക്കുകയില്ലേ?എം. ജി. ശ്രീകുമാർ, ജി. വേണുഗോപാൽ,  പി. ബി ശ്രീനിവാസ്, ബ്രഹ്മാനന്ദൻ,  ഉദയഭാനു, ശ്രീകാന്ത്, ജോളി അബ്രഹാം, ഉത്തമൻ, ഗോകുലബാലൻ, അയിരൂർ സദാശിവൻ, പട്ടണക്കാട് പുരുഷോത്തമൻ, ബാലമുരളീകൃഷ്ണ, എൽ.പി. ആർ. വർമ്മ……ആ ബെംഗാളി ഹിന്ദിയിൽ കുറേ പാടിനടന്നിട്ടുണ്ട്.

ഉത്തരങ്ങൾ

1. ജോളി എബ്രഹാം –ജയിക്കാനായ് ജനിച്ചവൻ

2. ബ്രഹ്മാനന്ദൻ-താമരപ്പൂ നാണിച്ചു

3. പട്ടണക്കാട് പുരുഷോത്തമൻ- പഞ്ചമി ചന്ദ്രികേ

4. ഉദയഭാനു-ചപലവ്യാമോഹങ്ങളാനയിക്കും

5.കിഷോർ കുമാർ- എ ബി സി ഡി ചേട്ടൻ കേഡി

3.പ്രേംനസീർ ഡബിൽ റോളിൽ പാടി അഭിനയിച്ച പാട്ട്? ചിത്രം? (4 മാർക്ക്)
സൂചന:-രാമായണത്തിലെ ഒരു അദ്ധ്യായത്തിന്റെ പേരാണ് സിനിമയ്ക്ക്.  
ഉത്തരം :- ’മഞ്ഞലച്ചാർത്തിലെ‘-ചിത്രം ആരണ്യകാണ്ഡം
4. അബ്ദുൽ ഖാദറിനു പ്രേംനസീർ ആകാമെങ്കിൽ നായികമാർക്കും അതാകാമല്ലൊ. പല നായികമാരും പേരു മാറ്റിയാണ് എത്തിയത്. പ്രേം നസീറിന്റെ നായികമാരായ ഇവരുടെ യഥാർത്ഥ പേരുകൾ ഇവയാണ്. ആരാണിവർ? (5 മാർക്ക്)

1.നസീമ
2.ദേവനായകി
3.ക്ലാര
4.ത്രേസ്യാമ്മ
5.സരസ്വതി ദേവി
സൂചനകൾ 
1. മരിച്ചുപോയി. ആത്മഹത്യ. 
2. തമിഴിൽ തുടങ്ങി, ഡബ്ബിങ് വേണ്ട. 
3. പിന്നെയും അഭിനയം തുടങ്ങി 
4. പൈങ്കിളി ആയിരുന്നെങ്കിലും ഒന്നാം ക്ലാസ് അഭിനയം. 
5. ‘റാഹേൽ’ എന്ന പേരിലാണ് ആദ്യസിനിമയിൽ എത്തിയത്.

ഉത്തരങ്ങൾ

1. നസീമ-വിജയശ്രീ

2.ദേവനായകി-കെ. ആർ. വിജയ

3.ക്ലാര-ഷീല

4.ത്രേസ്യാമ്മ-മിസ് കുമാരി

5. സരസ്വതി ദേവി-ശാരദ

5. ഈപാട്ടു സീനിൽ പ്രേംനസീറാണ്, പക്ഷേ അദ്ദേഹം പാടുന്നില്ല. എന്നാൽ അദ്ദേഹത്തിന്റെ ശബ്ദമുണ്ട് താനും. ഏതു പാട്ട്? (4 മാർക്ക്)
സൂചന:-സംഗീതസംവിധായകൻ തന്നെ പാടുന്നു.

ഉത്തരം :- ‘കണ്ണുനീർത്തുള്ളിയെ സ്ത്രീയോടുപമിച്ച…….‘. ഇതിൽ “തൊടരുത്…..എന്നൊക്കെയുള്ള പ്രസ്താവന പ്രേം നസീർ തന്നെ പറയുന്നു.

6. പ്രേം നസീർ സിനിമകളിലൊക്കെ നിരവധി പാട്ടുകൾ അദ്ദേഹം തന്നെ പാടി അഭിനയിക്കാറാണു പതിവ്.
A. ഈ ചിത്രത്തിൽ സത്യൻ രണ്ടു പാട്ടും അടൂർ ഭാസി ഒരു പാട്ടും പാടുന്നു, സീനിൽ. ഈ സിനിമയിൽ പ്രേം നസീർ ഉണ്ടെങ്കിലും പാട്ടൊന്നുമില്ല അദ്ദേഹത്തിന്. ഒരു ‘അശരീരി’ സീനിൽ പ്രത്യക്ഷപ്പെടുന്നതു മാത്രം. എതു സിനിമ?
B. ഈ ചിത്രത്തിൽ യേശുദാസും എ. എം. രാജയും ഓരോ പാട്ടു വീതം പാടുന്നു, സിനിമയിൽ സത്യൻ ഉണ്ടെങ്കിലും പാടുന്നില്ല, സീനിൽ അശരീരി മാത്രം. മറ്റേ പാട്ട് പ്രേം നസീർ പാടുന്നു. ഏതു ചിത്രം? പാട്ട്?
C. അഞ്ചു പ്രശസ്തഗായകർ പാടിയെന്ന അപൂർവ്വതയുള്ളതാണ് ഈ പാട്ട്. അതിൽ യേശുദാസ് പാടിയഭാഗം അവതരിപ്പിയ്ക്കുന്നത് പ്രേംനസീർ. എതു പാട്ട്?
(2 മാർക്കു വീതം)
സൂചനകൾ 
A.  ഷീലയും ശാരദയുമുണ്ട് ഈ സിനിമയിൽ 
B. കെ. ആർ. വിജയ നായിക 
C. വടക്കൻ പാട്ട് സിനിമ. നൃത്തരംഗം 

ഉത്തരങ്ങൾ :-

A. അടിമകൾ (സത്യൻ ‘താഴം പൂ മണമുള്ള‘, ‘മാനസേശ്വരീ മാപ്പു തരൂ‘ എന്നിവയും അടൂർ ഭാസി ‘നാരായണം ഭജേ’ യും പാടുന്നു. പ്രേം നസീറിനു “ഇന്ദുമുഖീ…”          എന്ന പാട്ട്  അശരീരി ആയി മാത്രം).

B. ഓടയിൽ നിന്നു്. പാട്ട്: ‘മാനത്തു ദൈവമില്ല‘

C…ആദിപരാശക്തി (ചിത്രം-പൊന്നാപുരം കോട്ട). യേശുദാസ്, പി. ബി. ശ്രീനിവാസ്, പി. സുശീല, പി. ലീല, മാധുരി എന്നിവർ പാടി.

7. പാട്ടിനനുസരിച്ച് ധാരാളം സംഗീതോപകരണങ്ങൾ പ്രേംനസീർ രംഗത്ത് ഉപയോഗിച്ചിട്ടുണ്ട്. താഴെപ്പറയുന്ന ഉപകരണങ്ങൾ ഏതൊക്കെ മുഴുവൻ പാട്ടുകളിലും അദ്ദേഹം കൈകാര്യം ചെയ്തു? (4 മാർക്ക്)
1. സിതാർ
2.ഗിറ്റാർ
3. വീണ
4.പിയാനോ
സൂചനകൾ:- 
1.യേശുദാസിനു ഏറ്റവും ഇഷ്ടപ്പെട്ട പാട്ട് എന്നു കേട്ടിട്ടുണ്ട്. 
2. വള്ളം, വെള്ളം, രാത്രി 
3. കന്യകയോട് ചോദ്യങ്ങൾ 
4. ഹിന്ദി സിനിമയുടെ റീമേക്ക്. അവിടെ സുനിൽ ദത്ത്.

ഉത്തരങ്ങൾ :-

1. സിതാർ-താമസമെന്തേ വരുവാൻ

2. ഗിറ്റാർ-കായാമ്പൂ കണ്ണിൽ വിടരും

3.വീണ-സ്വർണ്ണത്താമരയിതളിലുറങ്ങും

4.പിയാനോ-മായാജാലകവാതിൽ തുറക്കും

8.പോപുലാരിറ്റി കൂടിയതിന്റെ ദൃഷ്ടാന്തമാണ് നടന്റെ പേര് സിനിമാപ്പേരിൽ ഉൾക്കൊള്ളിക്കുന്നത് (‘പ്രേം നസീറിനെ കാണാനില്ല‘). പല സിനിമാഗാനങ്ങളിലും നസീർ/പ്രേം നസീർ എന്ന പേർ ഉപയോഗിച്ചിട്ടുണ്ട്. മൂന്നെണ്ണം എഴുതുക. (6മാർക്ക്)
സൂചനകൾ:- 
1. കുറ്റവാളികളുടെ ഇംഗ്ലീഷ് പേര് സിനിമയ്ക്ക്. ജയ് ജയ് മധു ജയ് ജയ് ഉമ്മർ എന്നൊക്കെയുമുണ്ട് ഈ പാട്ടിൽ 
2. വിജയശ്രീയുടെ പേരുമുണ്ട്. 
3. പ്രേംനസീറിനെ കാണേണ്ടേ?

ഉത്തരങ്ങൾ :-

1. ദൈവം വന്നു വിളിച്ചാൽ-ക്രിമിനത്സ്

2.പഞ്ചവടിയിലെ വിജയശ്രീയോ-പഞ്ചവടി

3. പുന്നാരമോനേ- പല്ലവി

9. ഇത് എതു സിനിമയിൽ നിന്ന്? (4 മാർക്ക്)

ഡൗൺലോഡ്
സൂചന:-എല്ലാ കാര്യങ്ങളും തന്നെ ചെയ്യുന്ന ഒരു സംവിധായകന്റെ സിനിമ.
ഉത്തരം :- പ്രശ്നം ഗുരുതരം


10. ഏതൊക്കെ പാട്ടുകളുടെ ബി. ജി. എം? (8 മാർക്ക്)
1.
ഡൗൺലോഡ്
2.
ഡൗൺലോഡ്
3.
ഡൗൺലോഡ്
4.
ഡൗൺലോഡ്
സൂചനകൾ:- 
1. പെണ്ണ് ആശ്രമത്തിലോ മറ്റോ ആണ്. 
2. പാട്ടുകാരൻ ആട്ടിടയൻ 
3. പെണ്ണ് വേറേ കല്യാ‍ണം കഴിച്ചു പോയി. 
4.  വള്ളം ദാ പോയി.

ഉത്തരങ്ങൾ :-

1. സന്യാസിനീ നിൻ

2. പ്രാണസഖീ ഞാൻ വെറുമൊരു

3.സുമംഗലീ നീ

4. കരിമുകിൽ കാട്ടിലേ

11. ബോണസ്
നസീറിന്റെ ചില മാനറിസങ്ങൾ ഭാവങ്ങൾ - ഏതൊക്കെ പാട്ടുകളിലെ ഭാഗങ്ങൾ ? (രണ്ടു മാർക്കു വീതം)
1.
ഡൗൺലോഡ്
2.
ഡൗൺലോഡ്
3.
ഡൗൺലോഡ്
4.
ഡൗൺലോഡ്
5.
ഡൗൺലോഡ്
6.
ഡൗൺലോഡ്
7.
ഡൗൺലോഡ്
8.
ഡൗൺലോഡ്
9.
ഡൗൺലോഡ്
10.
ഡൗൺലോഡ്

സൂചനകൾ:-

1. നസീറിന്റെ ചേഷ്ടകൾ ശ്രദ്ധിച്ചാൽ അറിയാം ഏതൊക്കെ വാക്കുകളാണ് പാട്ടിൽ എന്ന്.
2. ‘ആക്കൂ ആക്കൂ’ എന്നൊരു നിർബ്ബന്ധം
3. അമ്മേ മഹാമായേ
4. രാത്രി…….രാത്രി
5. വാണീമണീ
6. എന്താ ഒരു വാസന
7. ആദ്യത്തെ നാൾ
8. കഥകളി
9. ഷീലയുടെ കവിളിനു എന്തു നിറമാണ്- ബ്രഷ് കൊണ്ട് എടുക്കട്ടെ?
10.  എ. എം. രാജ,പി. ലീല, ദക്ഷിണാമൂർത്തി

ബോണസ് - ഉത്തരങ്ങൾ :-

1. അന്നുനിന്റെ നുണക്കുഴി
2. കാളീ ഭദ്രകാളീ

3..ഇന്ദ്രവല്ലരി പൂ ചൂടിവരും

4. നക്ഷത്രരാജ്യത്തെ
5. സ്വർഗ്ഗനന്ദിനീ
6. കസ്തൂരി മണക്കുന്നല്ലോ
7. അശ്വതീ നക്ഷത്രമേ
8. ഉത്തരാസ്വയംവരം
9. ഹൃദയസരസ്സിലേ
10.  ചന്ദ്രികയിലലിയുന്നു ചന്ദ്രകാന്തം

 12. സൂപ്പർ ബോണസ്:പ്രേംനസീർ പ്രേംനവാസിനെ കേൾപ്പിക്കുന്ന ഒരു പാട്ടു സീനുണ്ട്. എതു സിനിമാ? എതു പാട്ട്? (5 മാർക്ക്)
സൂചന :-അവർ ചേട്ടനും അനിയനുമായിത്തന്നെ  സിനിമയൽ
ഉത്തരം :-

    ‘വത്സ സൌമിത്രേ കുമാരാ  നീ കേൾക്കണം

മത്സരാദ്യം വെടിഞ്ഞെന്നുടെ വാ‍ക്കുകൾ”

ചിത്രം: ശ്രീരാമപട്ടാഭിഷേകം.

 ചേട്ടൻ ശ്രീരാമൻ (പ്രേംനസീർ) അനിയൻ (പ്രേംനവാസ്) ലക്ഷ്മണനോട് പറയുന്നു/പാടുന്നു.